لك سيدتي وصفة مقدم من السيدة "أم حفصة" عن تجربتها الشخصية لهذة الوصفة الطبيعية الفعالة لنمو الشعر.

بسم الله الرحمان الرحيم

اليوم نقدم لك سيدتي وصفة مقدم من السيدة "أم حفصة" عن تجربتها الشخصية لهذة الوصفة الطبيعية الفعالة لنمو الشعر.

وصفة ضد الصلع - وصفة للنمو الشعر من جديد

أم حفصة تقول : انا كنت صلعة مخلليت مخربقت في راسي ودبا الحمد لله مع هذ الوصفة لي غنشارك معاكم  و لي جربتها بنفسي و لقيت فيها الحل 

 انا اللي غادية نجيب ليكم الصح واش نافعة و لا لا حيت انا شعري قريع هههه

اوا دبا درتها 5 مرات و الله العظيم و الله على ما اقول شهيد من اول استعمال بدات المسام تتحل و دبا الحمد لله بدا تنوض.

و الشوانط اللي كانو لي في شعري بداو يصغارو و الله يجازيها بالف خير الاخت اللي قالتها لي ,غير البارح جات عندي واحد السيدة قالت لي شعرك زيان و قوى تبارك الله اش درت.

و ليومة مع الصباح قال لي راجلي الناس شعرهم زيآآان ههههه و انا ما سايعاني فرحة و دبا انما تنكتب و دايرة الدوا في شعري و حتى لعشية و ندير من فوقو الحنة و القطران.

المهم الوصفة اسهل ما يكون :

- 4 وقيات تومة بجلوفها

-2 حفنات كبار حلبة

طريقة تحضير و إستعمال وصفة ضد الصلع - وصفة للنمو الشعر من جديد :

ديريهم في كاسرونة و خلليهم يطيبو مزيان بقاي تزيدي الماء مرة مرة حتى يطيبو و تنشف الماء

من بعد خدي قياس ديال زيت الزيتون و سخنيها مزيان على العافية و خلليها تبرد من بعد طحني كلشي في المولينكس يعني الحلبة و الثومة بقشورها و الزيت يكون القياس اللي قدك في الطحين و ديري كلشي في طاسة .

انا تنداوي و نرجعها الثلاجة.

مسالة اخرى راه الحلبة متتبقاش الريحة ديالها لا هي و لا الثومة حيتاش تطيبو

تقدري تشمي شوية منين تكوني دايراها في شعرك و لكم منين تتغسلي شعرك متتبقا لا ريحة لا والو.

و نزيدكم مسالة اخرى وللى لي شعري اكاجو هههههههه ما قال لا صباغة لا والو......ههههههه.

نتمنى تفيدكم الوصفة كيما عتقاتني انا ، خليو تعليقاتكم و شاركونا تجاربكم.